蘭特餅店

營業中

休息中

工人姐姐生日，喺屋企搞咗個mini birthday party！去咗奧海城內嘅Yolanda Bakery，有蛋糕、曲奇、西餅，甚至即食花膠選擇。生日蛋糕我買咗楊枝甘露蛋糕，特價$108有半磅，好抵！蛋糕面頭舖滿水果，如：芒果、士多啤梨、奇異果、藍莓，入面仲加咗好多爆汁珠珠，一咬就爆發酸甜嘅果汁，好有口感！👩🏾‍🦰第一次試爆汁珠珠，所以佢好有驚喜！呢個價錢性價比高！小店仲有售賣即食花膠，聽講都係小店名物之一。本身有4種口味選擇，但我呢日比較遲去只係得返2盒，立即買黎試下。揀咗椰香銀耳同金桂雜糧2款味道，兩款都係一開即食，每盒都好足料，有三四條厚身花膠，骨膠原滿滿！我特別欣賞糖水甜度較低，養生健康，大大減低邪惡感。椰香銀耳椰味香濃d，金桂雜糧就多咗桂花嘅清香，而且加咗粒粒薏米，增添口感，又有美白去水腫嘅功效。