Running 燒 (已結業)

這間running 燒巳經食過兩三次，今日天氣又涼返，食韓燒最適合，一於去食返餐👍入到店內有個buffet bar取蔬菜類，湯，甜味，小食及飲品等....韓式醬料都有幾款，可以按照個人喜好選擇。飲品種類多選擇！服務員上菜速度快，亦會定時定候幫我們換鐵板，非常細心我們點了柚子炸雞🍗味道甜甜地好開胃，雞皮炸得香脆。海鮮我們選擇了生蠔，帶子和蝦，蠔肉一啲都唔腥，鮮甜，帶子晶凝通透，新鮮爽口。肉類我們點了黑豚腩肉，豬腩肉和五花腩，肉質juicy 肥瘦平均，啖啖肉👍豬腩肉亦醃得好入味。韓式紫菜飯飯粒軟硬度適中，紫菜脆卜卜，熱辣辣香噴噴，混入生熟蛋一齊食再加入韓式醬汁，好食到停唔到口😋