影片
更多
2022-09-18
189 瀏覽
今日係淘大睇完戲諗住近近地揾間餐廳食埋晚餐，甘啱見到樂園魚旦專家有位，佢開張之後都未試過，今次有機會啦！頂級墨丸拼爽滑魚餃撈粗（$56）冠軍墨魚丸果然名不虛傳，非常彈牙，入面有粒粒馬蹄增加口感，咬落有墨魚香，而魚餃係全手工製作，門鱔餃皮入面包住豬肉餡，魚味香濃，超推薦！蠔油一啲都唔吝嗇，用嚟撈粗麵再加少少辣椒油，係真香港味！牛三寶河（$58）有牛腩、牛筋同牛肚三款配料，牛筋同牛肚軟腍，半肥瘦牛腩就比較有咬口，腩汁河粉夠曬惹味，仲可以加$5加紫菜。菜芯（+$10）份量適中，配蠔油，口感比較腍。凍檸樂（+$11）一大杯冰底加鮮檸檬，再比罐裝汽水自己倒，食住辣魚旦粉飲啖檸樂，超爽！凍檸賓（+$11）利賓納加上檸檬，好飲又有豐富維他命C，好耐無飲呢款港式特飲！店員服務貼心又客氣，笑容可掬，食物性價比都幾高，得閒都會再過嚟食！
頂級墨丸拼爽滑魚餃撈粗（$56）冠軍墨魚丸果然名不虛傳，非常彈牙，入面有粒粒馬蹄增加口感，咬落有墨魚香，而魚餃係全手工製作，門鱔餃皮入面包住豬肉餡，魚味香濃，超推薦！蠔油一啲都唔吝嗇，用嚟撈粗麵再加少少辣椒油，係真香港味！
牛三寶河（$58）有牛腩、牛筋同牛肚三款配料，牛筋同牛肚軟腍，半肥瘦牛腩就比較有咬口，腩汁河粉夠曬惹味，仲可以加$5加紫菜。
菜芯（+$10）份量適中，配蠔油，口感比較腍。
凍檸樂（+$11）一大杯冰底加鮮檸檬，再比罐裝汽水自己倒，食住辣魚旦粉飲啖檸樂，超爽！
凍檸賓（+$11）利賓納加上檸檬，好飲又有豐富維他命C，好耐無飲呢款港式特飲！
店員服務貼心又客氣，笑容可掬，食物性價比都幾高，得閒都會再過嚟食！
張貼
