影片
更多
2022-10-19
837 瀏覽
天海 weekday menu $500/位+10% at least 2位起臨近一個識左24年嘅兄弟生日(聽落好似我好大年紀咁😮💨)，好耐冇一齊食飯，約到食飯緊係食好d。日本食野嘅傳統係一坐低叫杯野飲先，一杯high ball同一杯樽生(樽裝生啤)潤下喉先。前菜：赤身+中拖羅(?)配山藥泥雖然冇講明係咩部位，但以外觀黎睇相信係赤身同中拖羅，厚切睇落好開心，雖然厚切但完全冇筋。平時食慣醬油漬赤身，呢件冇醃漬過嘅赤身少左平時熟悉嘅酸味，但仍然有足夠鮮味，亦冇腥味；中拖羅比赤身多左幾分油香，配番多少少山葵比較好，但兩件刺身同樣有山藥泥，所以唔會食到山葵嗆鼻嘅味道，亦增加左滑溜嘅口感。天婦羅：海蝦+鹽蝦肉彈牙，蝦味濃郁，尾部嘅殼可以食埋，但唯一覺得差少少嘅係中間未到半生熟咁，可以中間做到刺身嘅口感，但都係高水準嘅作品。鱚魚+汁鱚魚即係沙鮻，做到外皮香脆，內𥚃軟嫩，入面嘅魚肉有蒸魚嘅口感，魚肉水份充足，魚味都濃郁(天婦羅嚴格黎講係響高溫油炸當中，以外皮包覆食材，外皮嘅水份同食材本身嘅水份響外皮入面蒸煮食材，所以做得好嘅天婦羅入面應該係水嫩多汁唔會乾身)。紋甲烏賊+鹽完全唔韌，可以輕易咬斷，口
臨近一個識左24年嘅兄弟生日(聽落好似我好大年紀咁😮💨)，好耐冇一齊食飯，約到食飯緊係食好d。
日本食野嘅傳統係一坐低叫杯野飲先，一杯high ball同一杯樽生(樽裝生啤)潤下喉先。
前菜：
赤身+中拖羅(?)配山藥泥
雖然冇講明係咩部位，但以外觀黎睇相信係赤身同中拖羅，厚切睇落好開心，雖然厚切但完全冇筋。
平時食慣醬油漬赤身，呢件冇醃漬過嘅赤身少左平時熟悉嘅酸味，但仍然有足夠鮮味，亦冇腥味；中拖羅比赤身多左幾分油香，配番多少少山葵比較好，但兩件刺身同樣有山藥泥，所以唔會食到山葵嗆鼻嘅味道，亦增加左滑溜嘅口感。
天婦羅：
海蝦+鹽
蝦肉彈牙，蝦味濃郁，尾部嘅殼可以食埋，但唯一覺得差少少嘅係中間未到半生熟咁，可以中間做到刺身嘅口感，但都係高水準嘅作品。
鱚魚+汁
鱚魚即係沙鮻，做到外皮香脆，內𥚃軟嫩，入面嘅魚肉有蒸魚嘅口感，魚肉水份充足，魚味都濃郁(天婦羅嚴格黎講係響高溫油炸當中，以外皮包覆食材，外皮嘅水份同食材本身嘅水份響外皮入面蒸煮食材，所以做得好嘅天婦羅入面應該係水嫩多汁唔會乾身)。
紋甲烏賊+鹽
完全唔韌，可以輕易咬斷，口感爽彈，鮮味唔錯。
蓮藕+汁
口感爽脆，算係清脆多汁，係好食嘅但冇咩太大特點。
南瓜+汁
外脆內軟，口感綿密，味道香甜，南瓜甜度幾高，有種食甜品嘅感覺。
帆立貝+山葵鹽
中間近半生熟，但可再生多些少，外面彈牙但中間仍然有刺身嗰種軟嫩口感。鮮味香氣濃，夾起未咬都聞到好濃嘅帆立貝香氣，配山葵鹽有少少辣辣地幾fresh，好夾。
鮭 (已調味)+山椒粉&醬汁
魚味幾濃，完全冇腥味，因為山椒粉唔均勻咁灑響表面，所以每一啖味道都有變化，一啖魚味濃一啖山椒味重，高低起伏咁變化，鮭魚風味突出。
靜岡黑魚餅+姜蓉&汁(唔記得影就食左)
開頭唔覺魚味重，但越食魚味越出，去到後面非常香濃，配姜蓉微微辣味更加吊出到鮮味。
水牛芝士&車厘茄
有少少糖漿響底，所以口味係甜，水牛芝士軟滑香濃，車厘茄帶少少清爽refresh。
雖然我唔鐘意食芝士，但mozzarella係我唯一可以食到嘅芝士。
舞茸飯+湯
炊飯調味唔太濃，偏向品嘗舞茸嘅香氣，但都有少少清淡嘅調味。飯粒黏糯得黎帶少少飯焦，焦香感令到口感同香氣提升唔少。
湯係海帶清湯，同樣有少量菇類，清淡但唔錯。
甜品：
啫喱+奇異果&藍莓&蔓越莓
啫喱口味清淡(冇講咩口味)，但水果先係主角，蔓越莓唔會太酸，藍莓正常發揮，但奇異果好甜。
總結黎講，呢個價算係非常抵食，而且晚市價黎講真係佛心價。
38 瀏覽
0 讚好
0 留言
張貼
