影片
更多
2021-01-11
2413 瀏覽
用餐時間：普通星期一1230-1400溫野菜不嬲都出名行高質火鍋路線，平日食個dinner或者放題每個人都最少差唔多三，四百起跳，今日就試下佢個平民價lunch set，連加一都唔洗$200！今日我地兩個人叫左兩個lunch set，每個lunch set包3款肉（豬，牛，雞每樣都有幾款揀）（可以升級要高級啲既肉），湯底（有啲要加錢，$10-$20），蔬菜拼盤，每日唔同既丸類（今日係日本年糕同一個芥末味既丸（唔係好肯定叫乜）），烏冬/飯，飲品。之後加錢可以再加食物，所以其實好free，豐儉由人。今日我就唔係全部試曬。壽喜湯（評分：5/5）：湯底清甜，淥完既食物係食到甜味，仲有一個蛋汁比我地點肉食。除左呢啲之外，餐廳本身都有提供芝麻醬（主要比肉）同埋柚子醋（主要比蔬菜），加埋我個湯底配搭一流。肉類（評分：4/5）：肉類都幾新鮮好味，可惜佢切得比較細件，無乜口感。溫野菜盛合（評分：5/5）：有菇，娃娃菜，紅心蘿蔔，水菜，白蔥。全部都好新鮮，紅心蘿蔔第一次試，比其他蘿蔔好食好多！其他野就正常，無乜特別。最後埋單加一再有會員85折，兩個人平均每人係$171。今日呢個價錢食到高級日本火鍋，食物高
溫野菜不嬲都出名行高質火鍋路線，平日食個dinner或者放題每個人都最少差唔多三，四百起跳，今日就試下佢個平民價lunch set，連加一都唔洗$200！
今日我地兩個人叫左兩個lunch set，每個lunch set包3款肉（豬，牛，雞每樣都有幾款揀）（可以升級要高級啲既肉），湯底（有啲要加錢，$10-$20），蔬菜拼盤，每日唔同既丸類（今日係日本年糕同一個芥末味既丸（唔係好肯定叫乜）），烏冬/飯，飲品。之後加錢可以再加食物，所以其實好free，豐儉由人。
今日我就唔係全部試曬。
壽喜湯（評分：5/5）：湯底清甜，淥完既食物係食到甜味，仲有一個蛋汁比我地點肉食。除左呢啲之外，餐廳本身都有提供芝麻醬（主要比肉）同埋柚子醋（主要比蔬菜），加埋我個湯底配搭一流。
肉類（評分：4/5）：肉類都幾新鮮好味，可惜佢切得比較細件，無乜口感。
溫野菜盛合（評分：5/5）：有菇，娃娃菜，紅心蘿蔔，水菜，白蔥。全部都好新鮮，紅心蘿蔔第一次試，比其他蘿蔔好食好多！
其他野就正常，無乜特別。
最後埋單加一再有會員85折，兩個人平均每人係$171。今日呢個價錢食到高級日本火鍋，食物高質，性價比絕對係高。
今日咁啱比左個2人卡位我地（有啲食客可以坐4人卡位），位置比較逼，所有食物黎到嗰陣有啲都要搭住放，比較麻煩。希望餐廳可以提升下座位既空間，始終餐廳收費偏高，環境理應更加舒服先啱！
題外話/補充資料：
用餐時間90分鐘
(以上食評乃用戶個人意見 , 並不代表OpenRice之觀點。)
張貼
