鮨三川 (已結業)

餐廳乾淨整潔，午市有四set 供選擇，食物質素對比價格是物超所值。我選擇既係鮨套裝前茶有沙律及黑松露蟹肉茶碗蒸，茶碗蒸既蛋滑，黑松露好香，啖啖蟹肉。廚師發辦手握壽司十二貫，師傅好nice，動作快手，每件壽司都講解得好清楚👍🏻1. 鮫鰈魚，左口魚食得多，呢個係右口魚，韌中帶爽，魚味剛好，配埋蔥，好清新。2. 真鯛，加左梅醬，酸中帶甜3. 凡立貝，青檸加竹炭鹽，酸酸咸咸突出帶子鮮味4. 間八，仲有少少辣椒食落辣辣地，但加左柚子好清新中和番5. 鰆魚加山葵徑，魚身好軟，入口即溶，山葵有少少攻鼻6. 牡丹蝦加燒香左既蝦膏，真係食香味俱全7. 鯖魚加薑同蔥，魚肉非常鮮甜8. 吞拿醬油漬加千本漬，即係染過既蘿蔔，賣相靚，食落好鮮甜9. 太都魚紫蘇葉，用燒槍燒到半熟，加左紫蘇葉為魚加點味道10. 拖羅，食落咸咸地，油脂分佈得均勻11. 三文魚籽就同平時手準一樣12. 馬糞海膽，顏色均勻，食落超鮮甜🥰份量亦多套餐最後仲有濃湯烏冬，入口軟綿綿，咬落有口感。甜品可選雪糕或咖啡。