影片
更多
2023-06-25
1177 瀏覽
好少遇到一間專食牛、好味又唔貴嘅餐廳。喺中環呢頭食嘢都唔平，見呢間幾好評語就即管嚟試吓先！首先當然要試吓大家都推薦嘅香草平鐵牛扒，好似話係牛肩位，叫咗medium，睇相就見到幾粉嫩。入口係無筋無渣，牛脂好平均，就咁點少少佢伴碟嘅海鹽已經好好味道。再食埋伴碟粒焗蒜，真係好想搵塊包搽嚟食另外叫咗個都好似好多人叫嘅burger，叫終極漢堡，造型夠曬終極，插住把刀上檯，幾有feel！ 個漢堡塊肉好厚，好濃郁牛味，仲有滿滿芝士同burger醬，份量又好夠！叫咗兩杯飲品，一杯係夏天限定，龍眼冰特飲，都好清新唔膩，又唔太甜。另外一杯叫Dirty Lemonade，食到咁飽消滯一流。晚市薯條係可以refill嘅，不過真係太滿足食唔到太多。
喺中環呢頭食嘢都唔平，見呢間幾好評語就即管嚟試吓先！
首先當然要試吓大家都推薦嘅香草平鐵牛扒，好似話係牛肩位，叫咗medium，睇相就見到幾粉嫩。入口係無筋無渣，牛脂好平均，就咁點少少佢伴碟嘅海鹽已經好好味道。再食埋伴碟粒焗蒜，真係好想搵塊包搽嚟食
另外叫咗個都好似好多人叫嘅burger，叫終極漢堡，造型夠曬終極，插住把刀上檯，幾有feel！ 個漢堡塊肉好厚，好濃郁牛味，仲有滿滿芝士同burger醬，份量又好夠！
叫咗兩杯飲品，一杯係夏天限定，龍眼冰特飲，都好清新唔膩，又唔太甜。另外一杯叫Dirty Lemonade，食到咁飽消滯一流。
晚市薯條係可以refill嘅，不過真係太滿足食唔到太多。
張貼
