樂湯雞麵館 (登龍街) (已結業)

叫咗個1人鮑參翅肚套餐，份量非常多。魚翅花膠湯，有多件魚翅同埋大花膠，濃底濃郁，飲落有啲黏口，充滿膠質。一品鍋，有冬菇、鮑魚、花膠同埋小棠菜，全部都煮得好入味，鮮甜彈牙。糯米飯、荷香糯米香味，撈埋醬汁，香噴噴，好飽肚。口水雞，嫲嫲辣辣，雞件唔會煮得太老。醉雞藥膳粉絲，醉雞充滿花雕嘅香味，藥膳入邊有黨參、紅棗、龍眼等等中藥，中藥味香氣四溢。雜菜煲，有好多唔同種類嘅蔬菜，有小棠菜、金菇、娃娃菜、萵筍、木耳、雜菇等，非常大鍋。