濠客蒸氣海鮮 (已結業)

元朗出名多好野食又平，性價比高，就連海鮮蒸汽鍋都特別抵食過人！人均200蚊，已經可以食到蒸汽海鮮鍋，除左元朗真係唔知邊度揾到！我同男友今次就選擇食豪D！揀咗高一級既黃金套餐$288/位！同$198最大分別就係多咗半隻蟹同一隻象拔蚌！店員會逐次少量咁蒸海鮮，首先就係食咗蟹先，蟹膏超多，非常鮮甜！龍蝦超大隻！開邊食超方便，啖啖肉！貝殼類隻隻都好大隻！真心抵食！隻蝦拎黎時仲好生猛跳跳紮！仲跳咗出黎要麻煩店員幫我地拎去洗過！個粥本身有南瓜同瑤柱，再吸收埋所有海鮮嘅精華，超級鮮甜，就算已經好飽都要食埋個粥佢！