小辣川

營業中

休息中

朋友極力推薦位於街市樓上的熟食中心，佢話個香辣烤魚好好味，仲好抵食，堅持要我試一試，話我一定會鍾意，咁就上去試吓啦！呢個熟食中心環境同座位都非常整齊清潔，令你坐得舒服，食得開心呢度有明爐烤魚、雞煲、火鍋等選擇，食材仲係無限添加，認真抵食。我哋揀咗麻辣烤魚，小辣啱啱好；魚係用上江豚魚，佢肉質鮮甜，特別之處係用爐一路烤着，魚肉都係咁鮮嫩但又好入味，一 d都唔會嚡，裡面還有鮮腐竹、好多大豆芽菜、香菜、鮮筍等，非常豐富。出面雪櫃仲有好多火鍋嘅食材，蝦、蟹、魚腩、生蠔等，還有肥牛、各款肉丸類，多款新鮮蔬菜等等......啤酒及各種飲品，全部都係任飲任食，任君選擇，好抵食！