籠太子點心專門店 (已結業)

個朋友請食飯，我本來想去passion, 但friend 話貴，所以過左對面食點心！無特定期望，只知道太子都有分店。因為新開，地方都算乾淨和寬敞。睇完餐牌，覺得點心都幾有創意。精選老火湯 - 雖然係例湯，不過係我最愛璋魚湯，所以覺得唔錯。鳳爪排骨飯 - 飲茶必食，排骨比較肥，鳳爪唔錯。籠太子蝦餃皇 - 可自選兩隻或四隻，只選了兩隻，蝦幾大隻，幾新鮮同爽口。藥膳雞腳，藥材湯味夠濃，雞腳都幾冧。香滑反斗糕 - 其實係馬拉糕，細細杯，一口一個好易食。皮蛋牛肉腸 - 皮蛋跟牛肉配搭幾得意。上湯鮮竹卷 - 鮮竹卷幾好味，湯比較油。魚肚水餃 - 有驚喜，原來唔係餃子包魚肚，而係湯內有原塊魚肚。可能無特別期望，食物反而有驚喜。