東哥點心籠仔蒸飯專門店

營業中

休息中

係元朗夜麻麻口痕肚餓第一時間就會諗起呢間東哥點心，夜晚仲會開到凌晨四點，見到餐牌早餐同午餐都有幾抵食嘅優惠，$33有兩款點心$24仲有細籠仔飯。今日就叫咗呢個抵食套餐，一個飯加個湯都只係$65，我揀咗籠仔鳳爪排骨飯同蟲草花燉土雞。呢度嘅籠仔飯係用荷葉包住蒸，份量都幾大，排骨同鳳爪份量都算多，白飯粒粒分明唔會太濕。蟲草花燉土雞味道鮮甜，足料夠火候，啖啖都係精華。牛柏葉非常爽口，入面嘅蘿蔔都非常入味。蟹子燒賣基本上係飲茶必食之一。最近仲有煲仔飯食，下次嚟到要再試下。