Oggi (已結業)

最近去過木星街食野，發現原來木星街同埋水星街都好多食肆臨立，地點距離地鐵站又唔算遠，好多特色小店，好過成日食埋啲連鎖店，而且又唔駛等位。位於水星街嘅Oggi，店子細細的，但坐位都算好寬闊，簡簡單單乾淨企理嘅裝修，再加上店內綠悠悠嘅環境，感覺好舒服悠閒。先來個煙三文魚沙律，三文魚份量十足，加點黑魚子係面，食落加點咸香。暖暖嘅麵包好鬆軟，有提子乾同果仁喺裡面，份外好食。青口粒粒都好肥美，忌廉汁又香滑，少少酒香，好開胃呀我地點左個龍蝦套餐，呢個湯都算又誠意，無論賣相同味道都同樣吸引。啲湯用隻玻璃杯載住，另外一碟就有隻龍蝦鉗仲有啲忌廉，就係咁將啲熱湯倒入隻碟度，龍蝦湯味道濃郁，鮮甜惹味。呢個意大利飯都好有睇頭，半隻龍蝦放喺飯上面，龍蝦肉彈牙，而飯嘅汁有龍蝦味亦有蟹黃味，夠晒鮮甜香濃。意大利雲吞都有好多龍蝦肉喺面，雲吞味道不錯。最後有個朱古力泡夫做甜品，夠晒完美。除左龍蝦套餐抵食外，其他食物價錢也不算貴。