影片
更多
2021-11-28
583 瀏覽
去完沙田踩單車，就諗起可以去宜家傢俬度食晚飯。 估唔到六點鐘已經大排長龍，好彩只係等咗20分鐘就已經可以入座。餐廳有新裝修，上個月嚟嘅時候 都唔係咁樣，而家裝咗電子屏幕，又有新嘅枱櫈。整體感覺大咗好多，方便更多人入座， 唔使等咁耐位。餐牌都轉咗新嘅，見到有龍蝦，雙眼發光。因為最近自己成日好想食龍蝦，估唔到73蚊就有半隻龍蝦食。雖然龍蝦比較細，一啖就食咗，不過肉質都幾彈牙呀，有龍蝦味，比較鹹。就咁食龍蝦係唔飽嘅，焗薯就可以填飽個肚喇。嗌咗兩個龍蝦，兩個焗薯有大有小，好大分別，不過最後都係食唔曬。三文魚煎得有啲乾，味道正常， 唔會腥。好耐冇飲過酥皮湯。呢個係龍蝦酥皮湯個皮好鬆脆， 龍蝦湯裏面真係有幾粒小嘅龍蝦，算係身材實料。好過大x樂、大快x嗰啲快餐店，肉都冇，33蚊都算合理。朱古力心太軟配雜莓忌廉朱古力心太軟甜度適中，唔算太膩。不過切開嘅時候啲朱古力醬冇漏出嚟，只係溶喺中間啫。就咁食啲雜莓會太酸，但係加埋朱古力心太軟同埋忌廉一齊食，中和番個酸味同甜味，非常好嘅配搭，味道好平衡。整體嚟講價錢都可接受，係平價嘅海鮮西餐。
餐牌都轉咗新嘅，見到有龍蝦，雙眼發光。因為最近自己成日好想食龍蝦，估唔到73蚊就有半隻龍蝦食。雖然龍蝦比較細，一啖就食咗，不過肉質都幾彈牙呀，有龍蝦味，比較鹹。
就咁食龍蝦係唔飽嘅，焗薯就可以填飽個肚喇。嗌咗兩個龍蝦，兩個焗薯有大有小，好大分別，不過最後都係食唔曬。
三文魚煎得有啲乾，味道正常， 唔會腥。
好耐冇飲過酥皮湯。呢個係龍蝦酥皮湯個皮好鬆脆， 龍蝦湯裏面真係有幾粒小嘅龍蝦，算係身材實料。好過大x樂、大快x嗰啲快餐店，肉都冇，33蚊都算合理。
朱古力心太軟配雜莓忌廉
朱古力心太軟甜度適中，唔算太膩。不過切開嘅時候啲朱古力醬冇漏出嚟，只係溶喺中間啫。就咁食啲雜莓會太酸，但係加埋朱古力心太軟同埋忌廉一齊食，中和番個酸味同甜味，非常好嘅配搭，味道好平衡。
整體嚟講價錢都可接受，係平價嘅海鮮西餐。
張貼
