影片
更多
2025-02-18
0 瀏覽
今晚同老細收工後嚟到福佬村道呢間「瀛鍋」，門面唔算豪華但坐得舒服。店員話樓上有包房～襯冇乜人上去八下先～有大房有細房，有一間仲可以打通開party～又真係幾骨子喎！🍲坐低點個瑤柱白肺湯潤一潤先～店員提醒湯底嚟到一定要先飲碗湯暖一暖胃～果然足料，除咗瑤柱同豬肺，仲有雞腳，大大煲，啲湯甜到呢～🥰😋如果要雙拼都係加$10咋！開爐前先嗌個刺身拼盤（細）熱一熱身：三文魚厚切肥美、北寄貝爽脆、希靈魚好鬼鮮甜、紋甲魷魚卷咬落仲有「卜卜、吱吱」聲！🐟最驚喜係平時少見嘅新鮮魚鰾，用筷子夾住喺湯底游走廿零秒，入口勁鮮甜，爽彈程度爆炸級！老細話呢味我啲fd實要encore多份先夠喉～🥟餃子拼盤絕對係誠意之作，四款各有fans：水餃皇包到半隻拳頭咁大粒，魚皮餃煙韌得嚟唔會粉，韭菜餃菜肉比例啱啱好，連雲吞都唔係行貨餡料！全部皮薄餡靚！🥩不過全晚MVP要頒俾牛肉拼盤，霜降牛啲雪花紋靚到似藝術品，咬落牛味濃得嚟帶香，啲肉汁多到漏出嚟；手切肥牛就勝在油脂均勻，滾三下入口即化，蘸少少沙茶醬已經夠晒和味。🍹最後要讚吓杯自家製洛神花茶，酸甜冰涼勁解膩，最抵死係賣$38杯但大杯過我塊面！老細話今次埋單人均$3xx，喺九龍城呢
今晚同老細收工後嚟到福佬村道呢間「瀛鍋」，門面唔算豪華但坐得舒服。店員話樓上有包房～襯冇乜人上去八下先～有大房有細房，有一間仲可以打通開party～又真係幾骨子喎！
🍲坐低點個瑤柱白肺湯潤一潤先～店員提醒湯底嚟到一定要先飲碗湯暖一暖胃～果然足料，除咗瑤柱同豬肺，仲有雞腳，大大煲，啲湯甜到呢～🥰😋如果要雙拼都係加$10咋！
開爐前先嗌個刺身拼盤（細）熱一熱身：三文魚厚切肥美、北寄貝爽脆、希靈魚好鬼鮮甜、紋甲魷魚卷咬落仲有「卜卜、吱吱」聲！
🐟最驚喜係平時少見嘅新鮮魚鰾，用筷子夾住喺湯底游走廿零秒，入口勁鮮甜，爽彈程度爆炸級！老細話呢味我啲fd實要encore多份先夠喉～
🥟餃子拼盤絕對係誠意之作，四款各有fans：水餃皇包到半隻拳頭咁大粒，魚皮餃煙韌得嚟唔會粉，韭菜餃菜肉比例啱啱好，連雲吞都唔係行貨餡料！全部皮薄餡靚！
🥩不過全晚MVP要頒俾牛肉拼盤，霜降牛啲雪花紋靚到似藝術品，咬落牛味濃得嚟帶香，啲肉汁多到漏出嚟；手切肥牛就勝在油脂均勻，滾三下入口即化，蘸少少沙茶醬已經夠晒和味。
🍹最後要讚吓杯自家製洛神花茶，酸甜冰涼勁解膩，最抵死係賣$38杯但大杯過我塊面！老細話今次埋單人均$3xx，喺九龍城呢個火鍋戰場算係高質之選。食完行出門口仲諗緊，襯天口仲凍，過幾日要帶班同事嚟掃多次個魚鰾先得！
張貼
