B哥車仔麵 (已結業)

約埋兩個朋友去觀塘行街，出發之前食個Brunch 先，原本想去駿業街紅X茶記，朋友見門口有姐姐派車仔麵傳單，就入左商場試新嘢。$39有三餸一麵，淨四餸都係同價，比深水埗食開嘅化算，而加餸加麵或一收費＄8一款，價錢合理，選擇亦多；小食由$14-$28，而飮品好平，平過茶記，熱飲/可樂$8，好耐無見過呢個單位數子價😻，凍飲$10，嘩！嘩！特飲$14🙊，唔好以為呢個價錢，坐得好辛苦，污糟邋遢，噏噏笠笠，我就覺得車仔麵嚟講係唔錯，最緊要夠乾淨，冷氣充足👍🏼我哋三碗各様都要D，大家開心share，個人喜好而言推薦豬大腸，好香膽固醇味道😜喜愛豬大腸同盟一定明白係乜味，淋度啱啱好，鹵水味唔會搶走大腸味💖白蘿蔔、餃子、韮菜、腐竹都唔錯；小食就喜歡有一大碗嘅菜芯，而雞翼炸得皮脆。整體嚟講好過元朗老字號嗰間law。