影片
更多
2019-09-17
1770 瀏覽
今日成朝响北角忙忙碌碌，做完嘢又過咗食飯時間，諗住買啲輕便嘢返去食，經過呢間小食店幾吸引，咖哩魚蛋豬皮蘿蔔+豆漿都係$25。充滿兒時回憶嘅小食好耐無食喇，望落見佢都幾乾淨，就叫咗呢個組合外賣，店前有凳俾客人坐住等。等待期間睇吓仲有咩食，雞蛋仔、格仔餅、點心、腸粉、燒賣、豆漿、果汁...都好多嘢食揀喎。店員友善有禮，有問必答，原來豆漿係每天新鮮自製，有時係原味豆漿，今日就係黑豆漿，由於想提供最佳營養，所以保留少量豆漿渣，店員會提醒飲用時小心。 如果想响店前食都可以嘅，我怕熱就拎走返公司食啦。個紙盒硬淨又環保，打開蓋就有好香嘅咖哩味飄出。裡面有5 粒魚蛋、 3 件白蘿蔔 、3 塊豬皮。咖哩既濃且辣，好惹味。咖哩魚蛋夠入味，魚味十足。蘿蔔夠腍又入味揀選砂爆得夠鬆嘅豬皮，出過水切得大大塊再炆，口感爽軟，索咗咖哩汁惹味又過癮。豆漿有豆香，味道微甜，雖然有少少豆漿渣，但飲落都唔會哽喉。等食物嘅時候，見不停有客人買雞蛋仔，有街坊熟客同店員邊等邊傾，下次要試吓佢啲雞蛋仔/夾餅。
今日成朝响北角忙忙碌碌，
做完嘢又過咗食飯時間，
諗住買啲輕便嘢返去食，
經過呢間小食店幾吸引，
咖哩魚蛋豬皮蘿蔔+豆漿都係$25。
充滿兒時回憶嘅小食好耐無食喇，望落見佢都幾乾淨，
就叫咗呢個組合外賣，
店前有凳俾客人坐住等。
等待期間睇吓仲有咩食，
雞蛋仔、格仔餅、點心、
腸粉、燒賣、豆漿、果汁...
都好多嘢食揀喎。
店員友善有禮，有問必答，
原來豆漿係每天新鮮自製，
有時係原味豆漿，
今日就係黑豆漿，
由於想提供最佳營養，
所以保留少量豆漿渣，
店員會提醒飲用時小心。
如果想响店前食都可以嘅，我怕熱就拎走返公司食啦。
個紙盒硬淨又環保，打開蓋就有好香嘅咖哩味飄出。
裡面有5 粒魚蛋、 3 件白蘿蔔 、3 塊豬皮。咖哩既濃且辣，好惹味。
咖哩魚蛋夠入味，魚味十足。
蘿蔔夠腍又入味
揀選砂爆得夠鬆嘅豬皮，出過水切得大大塊再炆，
口感爽軟，索咗咖哩汁惹味又過癮。
豆漿有豆香，味道微甜，雖然有少少豆漿渣，
但飲落都唔會哽喉。
等食物嘅時候，見不停有客人買雞蛋仔，
有街坊熟客同店員邊等邊傾，
下次要試吓佢啲雞蛋仔/夾餅。
張貼
