壹匯中菜廳 (東港城) (已結業)

還記得上年做冬的時候禁左晚市堂食，所以今年要想同屋企人出街食好啲。係將軍澳住左幾年都未試過呢間酒樓，早兩日經過一田見到價錢唔貴，又幾多野做緊特價，所以決定試下呢度。星期五晚7點鐘，都估到會多人，等了大約半個鐘先有位。叫左孖寶 - 有海班和燒雞半隻。叫左沙律菜伴柚子蝦球和做緊特價的片皮鴨。先上來的是醬皇脆皮燒雞（半隻），都燒得都幾脆，味道是不俗，但份量偏少。之後上來的是沙律菜伴柚子蝦球，柚子味太重，有點蓋過蝦味，本身蝦不錯，大隻，食到蝦的鮮甜。再上就是老豆最愛的片皮鴨，78蚊有這個份量（16片），抵食，我個人比較喜歡片皮鴨多點肉，今次正合心意，皮又夠脆，略嫌餅皮有點細塊。開頭見雞的份量不多，驚唔夠食，加叫左個沙茶菜苗炒牛仔肉，炒得好香，牛肉好腍。最後送上來的是孖寶跟的海班，都足秤，魚新鮮，煮得啱啱好，唔會過熟。3人總共食了460元，5味餸，抵食，建議想係附近搵嘢食都可以一試。