鍋心八鮮蒸鍋

營業中

休息中

Item: 鍋心八鮮蒸鍋
Rating: 5
Author: 膠龍兔豬

The Cosmopolitan

229 食評

味道

環境

服務

衛生

抵食

23427

太子

$201-400

粵菜 (廣東) 港式火鍋蒸氣火鍋

147

膠龍兔豬

等級4

264

📌 鍋心八鮮蒸鍋 - 太子花園街207-209號地舖🗓(18/5) 星期六 ⏰ 中午12點左右 💈特式：星期六日放假天，梗係要飲下茶慢活一下啦，呢間蒸汽海鮮鍋店我之前都有食過，最近仲開埋午市做點心，就梗係要試下啦。🥩🍔🌭🌮🥗🥯🥘🍲🍝🍣🥟🍤🍱食物：餐廳主打活海鮮蒸汽點心，亦有普遍傳統點心，仲有必食既王牌八寶蒸飯，而家等我同大家講下💨味道先。蒜蓉粉絲蒸蟶子$2️⃣8️⃣ - 蟶子就有2隻，size就未到蟶子王級數，但我都要分兩口先食得晒，蟶子非常新鮮，就咁加上蒜蓉蒸，味道一定係出色。泰式香茅荷葉蒸蝦$2️⃣9️⃣ - 呢個係職員推介新品，一籠有4隻基圍蝦，size適中，勝在夠新鮮。一打開荷葉即刻就會聞到好濃香芧味，蝦肉食落爽口，除左香芧味仲會食到荷葉味同輕微泰式香料味道。蟲草花燒賣$2️⃣8️⃣ - 燒賣size都幾大粒，豬肉份量好滿足，加上蟲草花一齊蒸，都幾夾，而且燒賣係我幾鐘意嘅爽口質感。醬香金錢肚$2️⃣3️⃣ - 金錢肚份量都多，舊舊都腍滑唔韌，墊底d白蘿蔔條索晒d汁，又無渣。蒜香蒸排骨$2️⃣3️⃣ - 排骨蒸得夠入味同腍身，墊底同外面酒樓一樣用左芋頭粒，但呢個芋頭粒都幾夠綿滑。招牌沙嗲蒸腸粉$1️⃣8️⃣ - 呢個招牌

📌 鍋心八鮮蒸鍋 - 太子花園街207-209號地舖
🗓(18/5) 星期六 ⏰ 中午12點左右

37 瀏覽

0 讚好

0 留言

💈特式：星期六日放假天，梗係要飲下茶慢活一下啦，呢間蒸汽海鮮鍋店我之前都有食過，最近仲開埋午市做點心，就梗係要試下啦。

🥩🍔🌭🌮🥗🥯🥘🍲🍝🍣🥟🍤🍱
食物：餐廳主打活海鮮蒸汽點心，亦有普遍傳統點心，仲有必食既王牌八寶蒸飯，而家等我同大家講下💨味道先。

蒜蓉粉絲蒸蟶子$2️⃣8️⃣ - 蟶子就有2隻，size就未到蟶子王級數，但我都要分兩口先食得晒，蟶子非常新鮮，就咁加上蒜蓉蒸，味道一定係出色。

泰式香茅荷葉蒸蝦$2️⃣9️⃣ - 呢個係職員推介新品，一籠有4隻基圍蝦，size適中，勝在夠新鮮。一打開荷葉即刻就會聞到好濃香芧味，蝦肉食落爽口，除左香芧味仲會食到荷葉味同輕微泰式香料味道。

蟲草花燒賣$2️⃣8️⃣ - 燒賣size都幾大粒，豬肉份量好滿足，加上蟲草花一齊蒸，都幾夾，而且燒賣係我幾鐘意嘅爽口質感。

醬香金錢肚$2️⃣3️⃣ - 金錢肚份量都多，舊舊都腍滑唔韌，墊底d白蘿蔔條索晒d汁，又無渣。

蒜香蒸排骨$2️⃣3️⃣ - 排骨蒸得夠入味同腍身，墊底同外面酒樓一樣用左芋頭粒，但呢個芋頭粒都幾夠綿滑。

招牌沙嗲蒸腸粉$1️⃣8️⃣ - 呢個招牌腸粉真心好好食，沙嗲醬香濃，腸粉皮滑溜但質感厚實，食落煙煙韌韌。

鍋心王牌八寶蒸飯$8️⃣8️⃣ - 呢個蒸飯絕對係餐廳嘅王牌，總共有24款配料任揀8款，即叫即蒸，所以就真係要耐心等下，等左唔夠20分鐘就上枱，我就揀左：蝦醬豬腩肉/秘製雞軟骨肉餅/台灣黑椒腸/蒜香茄子/臘腸/柱侯牛粒/萵荀粒/冬菇絲。
個八寶飯外觀好靚，一打開即刻聞到每款自己揀嘅配料嘅香味融和在一起，自己揀嘅組合，食落感覺係特別滿足，上枱仲會比埋蔥花/炸花生/炸蝦米/豉油比客人自行調味。

☕️🍵🥤🧋🍺🍷🥃🍹🧉🍾🍶🥛
飲品 : 午市茶芥每位$5️⃣，比起大多酒樓都平，茶種類可以揀養生胎菊/普洱/鐵觀音，我就揀左胎菊，出面酒樓比較少見，飲落較清香，有菊花味。

🍽環境：餐廳全部都係卡位，坐得都鬆動舒適，環境光猛乾淨，蒸爐火力都夠勁同均勻，蒸出嚟個飯好軟熟。

🤵🏻🤵🏻‍♀️🤵🏻‍♂️服務：職員服務好好，好有禮貌，同時會提醒蒸飯需時。另外，收碟換骨碟等都好自動自覺。

💰💸價錢：叫左2個蒸海鮮，4個蒸點心，1個八寶蒸飯，計埋茶芥加一，埋單都唔洗$2️⃣5️⃣0️⃣，相比起坊間酒樓，真係平一截。