阿茶茶。館 (已結業)

今晚同朋友到元朗搵飯食，呢間阿茶茶。館。 一個dinner set 都幾抵食喎，大約$60至$80左右。於是入去試下。我和朋友一人叫左一個set, share 食先開心架嘛~黑松露雜菌扁意粉 $60我這個黑松露迷怎會錯過呢～ 黑松露分量雖然唔算多，但味道仍然香濃，第一啖入口，松露的味就散發到口腔，好好味。欣賞佢地用扁意粉，忌廉汁更容易掛麵，意粉煮得剛剛好，不會太淋，平日出面食既忌廉意粉，一係會香濃但乾爭爭，一係會水漏漏淡而無味；而呢碟意粉竟然可以香濃但入口濕潤，very good!三文魚鯷魚扁意粉 $62這個三文魚意粉跟普通的鮮茄意粉望上去好像沒有什麼分別，但特別在佢加入左鯷魚，佢既作用同黑松露一樣，細少但卻成為意粉中的主角，佢令到普通既意粉提升了鮮味，都算平凡中帶點驚喜。最後，我覺得不得不提既係餐湯同麵包(跟餐送)，佢既餐湯係忌廉湯，但飲得出味道層次不同平日既忌廉湯，佢加入左西蘭花及飲到有芝士味，配埋特色既烤麵包(應該係意大利包) ，鬆軟口感配搭creamy 既湯做得幾出色!我覺得今餐以一個平民價錢食到特色西餐，抵哂啦～