Mee...lemongrass (已結業)

今晚約埋屋企人去將軍澳中心食泰越美食，環境佈置舒適，座位闊落，坐得舒服，晚市都幾多人。餐廳食物款式多，飲品仲可以叫台灣飲品，啱曬我哋😋😋點了黑糖珍珠鮮奶及紅豆百爵奶茶，飲品好好飲，珍珠超彈牙。香脆蝦餅脆卜卜，熱辣辣，新鮮製作。牛骨湯河 嘅湯底好濃郁，足料淆製，河粉滑溜。招牌無骨海南雞飯的雞肉肉質超嫩滑，推介💞👍牛骨湯河,河底濃郁, 成碗湯飲哂。甜品必點香芒椰汁糯米飯👈 ，賣相好有創意，成隻拖鞋🤣，味道都好好㗎，芒果夠甜， 糯米飯煙煙靭靭。