JK Brother's Gold (已結業)

即日預約竟然有位，已經覺得好好彩。七點到，唔駛等就入得，坐6人卡位，好寬敞。湯底有８款，我地選左日式壽喜燒。肉類同刺身要用電話落單，其他麵飯，炸物，丸類，疏菜，湯，飲品（清酒／白酒／台式飲品／汽水），甜品（牛奶布甸，雪糕雪條，不過movenpick 頭30分鐘已經俾人攞哂)就要自己去攞。另外，仲可以在大水缸撈花甲同蝦，花甲好甜又無沙。星期一至五特價$308/位，八達通或現金找數第二位仲有半價。4人任食120分鐘一仟蚊都唔駛，真係好抵食。