聚燒遙

營業中

休息中

深水埗做完嘢隨便去咗間餐廳食，呢間聚燒遙係專門食串燒同烤魚，喺深水埗港鐵站一行上嚟就到。呢度地方都乾淨企理，抽風系統都OK，食完唔會成大陣味。今次試咗烤魚，兩個人食鯇魚小半條，份量啱啱好，條魚本身已經盡量去骨，所以可以放心食，啖啖肉。湯底好香濃，入面配料豊富，湯底有白蘿蔔、金菇、莞茜、洋蔥等等。揀咗小辣風味一流，又香又辣🙂✨食完烤魚就可以打邊爐，有牛丸、墨魚滑、金菇。非常之推介牛丸，咬落去入面超多汁，牛味香濃，唔係成粒麵粉，非常推介。佢哋嘅金菇分量比普通餐廳多成一倍，幾抵食。食到尾啲白蘿蔔已經淋曬，超入味好好食，食曬。買單先係$300左右好抵食。