壹火鍋

營業中

休息中

最近同朋友再encore咗旺角兆萬嘅壹火鍋，依舊冇令我哋失望！刺身船睇樣都知正，有三文魚、赤貝、墨魚片、鱆紅魚、甜蝦同鮑片等等，見到已經超吸引，每款都夠新鮮，特別係甜蝦同三文魚，入口即溶，鮮味十足，性價比一流！ 湯底我哋再揀咗上次覺得非常出色嘅冬瑤卜卜蜆湯底，蜆新鮮肥美，入面真係有唔少瑤柱😋食完仲可以加湯繼續打邊爐，湯底濃郁又清甜，每啖都飲得出海鮮嘅鮮味，非常值得推介。 我哋加錢叫鮑魚海鮮船，入面有鮑魚、生蠔、海蝦、桂花蚌、帶子同蜆，全部都非常鮮甜，尤其係鮑魚，大大隻重識郁郁吓，好鬼生猛😆打卡送嘅和牛拼盤真係超值！手切封門柳、極上牛板腱、牛小排同SRF和牛肉眼都係高質，油花分佈靚，煮完嫩滑juicy，牛味濃郁，食完真係回味無窮！ 兩個人淨係食完頭先啲刺身、海鮮同牛已經幾飽，不過點都會留肚食甜品，佢個香港品牌嘅朱古力雪糕唔錯，我食咗兩杯✌🏻整體嚟講，壹火鍋依然係旺角一間高質又多選擇嘅火鍋店，絕對值得再來！