老掌櫃東北菜館 (利奧坊)

營業中

休息中

星期日和家人們一齊去咗大角咀嘅老掌櫃東北菜館食晚飯，雖然早已book位，但門口有好多人排隊，所以都要等一等先可以入座！我哋叫咗：北京填鴨（全隻）跟24塊面皮，鴨片切得很薄，皮脆內嫩，有90分！好抵食啊！鴨兩食-茄子炒鴨架，炒出來很大碟，茄子炒得夠淋，鴨件亦很入味。乾煸四季豆，炒得好夠鑊氣，有少少豬肉碎。蝦蛋炒飯，蝦好大隻，正常味道，飯粒粒分明。雞絲粉皮，有蘿蔔絲、青瓜絲、麻醬撈埋一齊。高力豆沙，必食甜點，炸得趣卜卜，內餡係紅豆，上邊有啲白糖點來一起吃。