鍋心海鮮燒 (已結業)

前幾日見朋友post ig黎左呢間野食，爸爸咁啱生日唔知帶佢去食乜好，於是決定咗食呢間。提前兩日book咗，book左夜晚10：30嘅，好抵食，$198一位全餐。可以揀膏蟹或者龍蝦，另外揀6款海鮮，加9種串燒同一個飯。每一種海鮮都可以揀唔同嘅醬，個人認為葡式醬同泰式醬比較特別，蒜蓉醬普普通通，但泰式醬食太多會好甜，因為係甜酸辣嘅關係。 揀左龍蝦🦞，雖然唔大隻，但d肉好爽，證明好新鮮，海鮮果度覺得蝦同貝殼類嘅好好味，魚就一般般...食到串燒果part已經覺得好飽，望落好似唔係好多甘，但完全係夠食仲要食唔曬架！！串燒推薦鴨舌鴨舌鴨舌同雞翼！鴨舌真係好好味，食完仲想食！金菇牛肉卷都好味，唔會乾增增，好juicy。