影片
更多
2023-04-23
45 瀏覽
朋友超鍾意星馬菜，係九龍接左佢收工之後就去大角咀覓食，就見到呢間⭐️椰香南洋燒麵包 $34 （+$4 鮮牛油）見到餐牌上面有椰香南洋燒麵包同椰香咖央多士，問左店員有咩分別，原來椰香南洋燒麵包係馬來西亞運黎既啡色焦糖麵包，另外個個就係本地白麵包，於是揀左南洋燒麵包，咖央香甜夾埋鮮牛油勁順滑，同朋友都食唔停口！⭐️仁噹牛肉+參巴椰漿飯 $58牛肉咖哩味香濃，肉質軟熟，配上清香既椰漿飯，係馬拉既味道啊！其他配菜都好正，薯仔超林又入味，有d香口甜魚仔同花生，一個菜多種享受！⭐️蛋黃奶油勁量雞扒撈出前一丁 $68一上菜塊雞扒大到厚到嚇親 😂 個蛋黃奶油少少辣勁creamy，撈麵定點雞扒都好夾！第一次試蛋黃奶油撈麵，係會encore 既新嘗試！雞扒厚肉又煎得香口好正！⭐️檳城福建蝦麵 $62朋友就係睇中menu 中既蝦麵入黎，講真呢度份量好足，食完之前咁多野真係擔心食唔晒個蝦面 🙉 麵類有好多選擇，老鼠粉，米粉，滲滲等等。而我地揀左油麵，同個濃蝦湯底好夾，少少辣，同蝦味互相配合好惹味！裡面除左原隻蝦之外仲有豬腩肉，非常滿足！⭐️美祿恐龍 $28 超多美祿朱古力粉係杯野飲面，唔會好似茶餐廳有時會勁淡味，呢杯美
朋友超鍾意星馬菜，係九龍接左佢收工之後就去大角咀覓食，就見到呢間
⭐️椰香南洋燒麵包 $34 （+$4 鮮牛油）
見到餐牌上面有椰香南洋燒麵包同椰香咖央多士，問左店員有咩分別，原來椰香南洋燒麵包係馬來西亞運黎既啡色焦糖麵包，另外個個就係本地白麵包，於是揀左南洋燒麵包，咖央香甜夾埋鮮牛油勁順滑，同朋友都食唔停口！
⭐️仁噹牛肉+參巴椰漿飯 $58
牛肉咖哩味香濃，肉質軟熟，配上清香既椰漿飯，係馬拉既味道啊！其他配菜都好正，薯仔超林又入味，有d香口甜魚仔同花生，一個菜多種享受！
⭐️蛋黃奶油勁量雞扒撈出前一丁 $68
一上菜塊雞扒大到厚到嚇親 😂 個蛋黃奶油少少辣勁creamy，撈麵定點雞扒都好夾！第一次試蛋黃奶油撈麵，係會encore 既新嘗試！雞扒厚肉又煎得香口好正！
⭐️檳城福建蝦麵 $62
朋友就係睇中menu 中既蝦麵入黎，講真呢度份量好足，食完之前咁多野真係擔心食唔晒個蝦面 🙉 麵類有好多選擇，老鼠粉，米粉，滲滲等等。而我地揀左油麵，同個濃蝦湯底好夾，少少辣，同蝦味互相配合好惹味！裡面除左原隻蝦之外仲有豬腩肉，非常滿足！
⭐️美祿恐龍 $28
超多美祿朱古力粉係杯野飲面，唔會好似茶餐廳有時會勁淡味，呢杯美祿好濃，有時食啖粉更加正
張貼
