牛一 (屯門市廣場1期) (已結業)

網上見人分享左半自助邊爐都係$78。於是今日去左牛一食午餐，2點到，都要拎飛，等咗5分鐘就有位了。入面都有唔少人呀！揀咗$78/60分鐘，出面自助拎嘅嘢食好多款色，拎咗啲腸，丸，炸芋頭，菜⋯⋯仲有嘢飲後返位，10分鐘未見有肉上就叫咗人幫手跟，轉頭就嚟咗，但牛五花就肥咗少少！豚五花都幾好味！啲待應姐姐幾好人，夠快手！之後食咗半個鐘就飽咗，就周圍影吓相，同試下雪糕同豆腐花，估唔到豆腐花都幾滑，仲有椰子味雪糕唔錯！嘢飲方面有驚喜，竟然有啤酒同手搖茶，可以試下自己沖嘢飲，又幾好玩😆！其實加$30就可任飲生啤，好抵呀！總括嚟講，餐廳嘢食都好新鮮，同多選擇，食1個鐘大人細路仔都會好飽！以後可以多啲過嚟食午餐啦！