禾璽牛肉海鮮火鍋

營業中

休息中

這間尖沙咀新開的火鍋店，位於酒吧林立的赫德道內，一班朋友食完火鍋意猶未盡再去飲酒吹水就最方便。由此是新開張，裝潢非常新淨整潔，開業酬賓做緊二人套餐$398，幾乎是半價大優惠，真係幾抵嘅。我們選了招牌牛骨清湯底，湯色清澈，湯味清甜，都幾好飲。主要食材有吊龍、招牌脆皮雞及新鮮雞雜。吊龍是指位於牛腰脊的兩側部位，由於該位置運動量多，所以肉味最濃，又帶點牛脂香；而招牌脆皮雞跟一般火鍋店的雞件很不同，主要是事前已稍為燙熟，雞件切得較細，只需再淥兩分鐘即可，雞皮有嚼勁，雞肉嫩滑；最為特別的是新鮮雞雜，有雞心、雞腎、雞子等內臟，處理得非常乾淨新鮮，入口彈牙，唔韌。至於其他配菜仲有充滿肉汁香味的手打牛肉丸，淥完仍爽口的高山筍心、外脆內軟的油條，及一份份量都算豐富的蔬菜拼盤，還有飲品兩罐，食完都很飽肚，這個價錢食火鍋算抵食。