明將迴轉壽司餐廳 (已結業)

我一直都覺得呢間餐廳好抵食，三十幾蚊一個午餐有前菜、主菜、湯、甜品同飲品。首先講下前菜，佢有時係螺肉，有時係中華沙律，有時係三文魚，前兩個都幾好味，但三文魚就唔係幾新鮮。至於主菜，我只係食過三色手卷、金菇牛肉鍋飯、咖哩海鮮飯、燒牛柳鍋等，全部都好好食。甜品就係唔同味道既喱，睇你果日好唔好彩啦。可以點既飲品就包括綠茶系列、奶茶系列、各式冷熱飲品。至於個湯就係成個餐既敗筆，時而太濃，時而太淡，又冇乜特別，唔飲都唔覺可惜。其實佢一個餐份量都幾多，女仔可以同d朋友夾份食，例如五個人叫三個餐都夠飽。