WOW! Burger (已結業)

今日既Lunch係Wow! Burger,我話我要試哂麥當勞以外既漢堡包,哩間係第4間,亦係好高評價既一間~我既Order係芝士牛肉漢堡set($32)加薯圈($7):-首先要講好抵食,最貴既餐都係$40有找,麥當勞而家都差唔多$30一個餐啦,所以我覺得算平~!!其次就係足料,個包都算大個,塊牛同夠厚又有肉汁,雖然眼見塊肉好似紅紅地,但係一D都唔生,又唔會過熟,剛剛好,我唔食生既覺得好正,塊芝士溶溶地仲正,又有菜同蕃茄,加埋一齊食唔會覺得油,又唔滯,塊包仲烘過,唔似普通面包,好好口感~!!正!!!敗筆就係薯圈炸得太干,有D熱氣,好彩又唔算好油,可接受~最後仲Order左個西多粒,醬可以揀士多啤梨朱古力or焦糖,哩個幾特別,仲以為淨係茶餐廳同甜品舖先食到西多添~~~賣相好一流,見到就想即刻食,不過個醬好甜,我諗3種醬都一定甜架~講番個西多,賣相好靚,炸得好脆,脆得滯,一D都唔似西多,都唔錯~~~總結我覺得好味又抵食,同TRIPLE O比,哩個價錢哩個水準,已經好好,我覺得好過Mos Burger, 起碼平過Mos Burger,我相信好快開好多分店!!!!