蔚濠海鮮酒家 (已結業)

去錦繡探朋友，去左呢間酒樓食飯，一試，居然有驚喜。燒鵝＄150；燒腩仔＄58，皮脆肉甘香，燒鵝放咗咁耐重脆。蜜糖欖角骨＄55，我以前食過欖角，覺得好鹹，估佢唔到，欖角香而不鹹，幾惹味。金磚豆腐＄45，樣靚，外脆內滑，轉一個圈就消失晒！啫啫通菜煲＄58，好大個煲上，一睇，嚇死人，以為好鬼多！原來唔係好多菜，係用嚟攪吓攪吓啫。個煲用嚟整熟D菜唧，又幾香噃！家鄉炒蟹，未食過用苦瓜炒嘅蟹，苦瓜唔單止唔苦，重黐咗D鮮味。睇吓幾大隻蟹鉗！干撈馬拉大海蝦＄88，又係用個瓦煲上，最初見到有D擔心，原來D蝦响煲底，好鬼香。粉絲乾身，索咗D蝦嘅鮮味，唔係腍啤啤。D海蝦幾大隻，蝦味好濃，蝦膏又多又厚，幾抵食！