君彩美食 (已結業)

同屋企人嚟飲早茶, 如果唔係抵食唔會專登坐車入工廠區星期六的早上九點, 得大約6-7枱客, 伙記同老闆娘都開咗張枱嘆緊茶地方、杯碟乾淨, 企理先嚟籠潮州粉果, 皮薄, 個皮咬落QQ的, 好味中規中擧炸兩裡面條油炸鬼好脆口, 腸粉皮即拉, 好味！蝦餃裡面塞滿晒蝦, 抵食！最好味係糯米卷, 個皮好軟, 裡面的糯米夠味，絕對唔似翻蒸！君彩樓下貼咗張紙話7:30-11am每人食夠$13就免茶免加一！乜而家仲有$13的茶嘆咩？最surprise係四個人食咗7樣點心埋單都係$94!! 你話係咪抵到冇朋友吖？