相聚茶寮 (已結業)

中午同屋企人去FOOD COURT食午餐，突然好想食點心同蒸飯，於是選擇咗食"相聚茶寮"。價錢都唔算太貴，一個餐有蒸飯、點心加飲品都係三十五蚊，都算抵食！叫咗個窩蛋牛肉飯、燒賣加豆漿。(燒賣要加多兩蚊。)窩蛋牛肉飯可以叫生蛋或煎蛋，而我就叫咗生蛋試下，將生蛋加上醬油同牛肉撈埋一齊，口感不錯！不過牛肉有少少腍，但都唔會話唔好食既。燒賣確實彈牙，材料都好豐富，係正既！