小雲川 (已結業)

今日又收旺角，由7點一直做一直做，收工呢刻竟然無哂食慾，只係想快快脆脆食完碗米線就返去訓，係上小巴度發現左新開既台式麵線店，唔理3721就衝入去先。環境大、闊落、光猛，一踏入黎個人為之一振，坐低就嗌左碗招牌腩肉米線。腩肉超入味，睇落以為好乾，食落又另一回事，肉都炆得幾腍，唔洗點咬就鬆開，而且又唔會太肥全部係豬油膏，最啱怕肥既我！我就麻麻地豆卜，係朋友極力推薦下勉強食左粒，原來吸埋啲湯又係另一番風味！當然首先係個湯底好味先有咁既效果啦！麵又唔會太腍，軟硬度適中，我諗我下次快食一個粉都會再encore小雲川！