薩莉亞意式餐廳 (得寶商場)

營業中

休息中

今日自己一個食飯，所以決定頹頹地食著名平價西餐廳 薩利亞。相信好多人都好熟悉呢間餐廳，我個人覺得佢地既小食仲好食過啲主菜。餐牌就唔多影啦，個個都好了解佢地有啲咩食。我今次叫左一個主菜兩個小食。第一樣係雞肉多莉亞。雞肉焗到有啲乾，醬汁有啲creamy 過頭變得膩，不過不失吧。之後係我本人既最愛-煙肉配薯角！薯角焗得岩岩好，煙肉都好入味，落埋芝士粉簡直係perfect match。三文魚沙律 係正常既口味。啲芝麻醬撈埋沙律菜真係好好味呀，份量好夠。雖然唔係特別好味，但呢個價錢呢種質素已經合格有餘啦