薩莉亞意式餐廳 (慈雲山中心)

營業中

休息中

薩莉亞不嬲都係平靚正之選，每次食都必嗌芝士焗薯角，啲薯角熱辣辣，配埋拉絲嘅芝士同香口嘅火腿，真係好正。水牛芝士薄餅上面嘅芝士好香，薄餅底又夠脆，真係好好食。蒜蓉牛油焗田螺消失過一排終於有得食返，一盤有6粒，粒粒都勁大粒，配埋蒜蓉同牛油，真係超香口。以前好中意食意式洋蔥蒜蓉燒雞，覺得佢啲雞肉好嫩滑。但係近呢幾次食都覺得啲雞肉”鞋”咗，冇以前咁滑咁好食。以前都會嗌羊鞍焗爐燒，因為又好食又抵食。但係今次真係唔多掂，一拎起件羊鞍就聞到勁大陣羶味，忍住陣味擺入口，咬唔到兩啖就決定唔食，因為真係勁羶，羶到完全食唔到。雖然某啲食物嘅質素係有少少下降，但係一分錢一分貨，都唔會話要求太高，惟有記住下次唔好食羊鞍啦。