象泰 (已結業)

有睇開我食評嘅朋友仔，都知道我好鍾意食泰菜， 今次特登入黎屯門，試一試呢間象泰！雅都商場新裝修，而象泰係gogo mall入面，唔係好識路嘅朋友仔就可能要搵一陣！一坐低梗係嗌冬蔭功啦！冬蔭功好夠辣！岩曬我呢個辣妹飲！又有蝦磨菇同埋蕃茄，份量兩個飲剛剛好！另外仲叫咗半打串燒，有豬又有雞！調味剛好，都算入味！又有祕製醬料！更加惹味！香芧魚餅都有8舊，好抵食！加埋泰式辣醬，辣辣地好好食！馬拉盞炒通菜，呢度整得唔算辣，唔會好咸！岩曬唔係好食得辣嘅朋友仔！網包雞絲炒金邊粉，賣相好靚！用蛋絲包住成個金邊粉！甜甜地又唔會太乾身！加分加分！