Mee...lemongrass (彩園廣場) (已結業)

今日係上水收工，就同同事周圍覓食，行過彩園廣場見到呢間食泰國菜幾抵食幾吸引就決定食呢間！Menu上既選擇都幾多，我地就揀左個Mee喇沙，材料都幾多，有大蝦、蜆肉、蟹柳、魚蛋，豆卜等等。一黎到就散發陣陣椰香，湯底好濃好惹味，而且麵底係米粉+油麵，食落好有口感！另外我地仲叫左一隻海南雞，雞肉非常嫩滑，連雞胸部分都唔鞋口，好香既麻油味，值得一試！飲唔仲做緊買一送一，需要到出面買完再拎入去的。飲品選擇都幾多，而我地就叫左芒果芝芝冰茶同火炙芝士黑糖珍珠鮮奶，非常抵飲！