古早牛肉麵 (已結業)

呢間餐廳既裝修好有台灣風味! 好似置身台灣咁，過下打卡癮。食物種類都幾多，特別係小食類竟然有蚵仔煎，呢個唔係好多鋪頭都有，所以我地都叫左黎試下。個樣出到黎好似蛋餅咁! 不過見到D蚵仔鋪曬係面，都幾足料架，同埋個醬同係台灣食到既都好似! 仲有個層膠既質感 ! 好感動，終於搵到好食的蚵仔煎。另外，叫左個鹽酥大雞排配麻辣醬乾拌面，鹽酥雞排炸得幾好，唔會厚粉，雞肉都嫩滑。乾拌面既面質係粗身，都有D肉碎係入面，唔算好辣，食唔到辣的朋友都可以試下。朋友就叫左個招牌半筋半肉配肉燥乾拌面，筋位好多骨膠原，筋同肉既比例又真係1比1，都幾唔錯，如果肉燥份量再多D就更好啦! 野飲就叫左杯仙草奶茶，跟餐加點幾抵，同埋都好大杯下! 仙車份量都好多，茶底較濃，呢一餐好滿足呀!