杯中物

營業中

休息中

旺中一樓有幾間炸物好抵食。上次幫襯隔離嗰間，但係因為要等15分鐘， 今日趕時間，所以今次試下呢間。之前去幾次都閂咗門，今日終於開返。佢啲嘢真係好平，十蚊有三條炸芝士條，同埋十蚊有三隻炸蝦。等咗大概五分鐘就有得食啦。攞嘅時候發現佢畀少咗一條芝士條，問返店員，佢話炸漏咗。店員都好有禮貌，不斷講唔好意思。芝士條同炸蝦望落去比較瘦弱，不過十蚊一款，算係咁啦。咬落去唔算好熱，裏面係暖暖哋，因為唔太熱嘅關係，拉絲效果都唔係好長。如果熱啲，炸耐少少，就非常好啦。炸蝦雖然好瘦弱，但係佢嘅外衣好薄，蝦有手指尾咁粗，都算彈牙。十蚊係咁上下。不過佢啲醬汁有啲稀，好似溝咗水咁。落咗芥末醬同沙律醬，都冇乜味道。間唔中想食下咋嘢，呢間係平嘅選擇。如果計好食，應該隔離嗰間好食啲。