蘇媽.蘇媽馬來西亞茶餐室 (已結業)

今次想介紹嘅係一間好出名嘅馬來西亞茶餐廳，相信有留意開美食嘅人一定知我講邊間。就係蘇媽。蘇媽啦❤️。今次我就去咗位於銅鑼灣嘅分店，講吓個環境先，一入到去感受到嗰種異國風情，餐廳嘅裝修有畀到心思😍。跟住就講吓嘢食啦，嗰日我同朋友都食咗幾多嘢㗎☺️。首先介紹吓佢最出名嘅肉骨茶先，我就叫咗豬腳彎啦，豬腳彎口感軟淰仲要好入味，仲要餐廳嘅肉骨茶係可以無限添加，所以我都飲咗三四碗😂，因為佢嘅肉骨茶真係太好飲啦！之後就介紹吓主食啦，主食方面我就嗌咗檳城亞參叻沙米線，米線嘅份量幾多同埋個口感都唔錯。湯底就非常之惹味，佢嘅酸辣真係做到好開胃嘅效果！跟住就講吓海南鴛鴦燒麵包，佢嘅賣相非常特別，並唔係一般嘅麵包底，佢嘅內餡都好足料，個人認為佢同餐廳嘅招牌小食咖央多士一樣，都係唔可以錯過！最後就講吓佢嘅嘢飲啦，我特別推介大家去試吓佢嘅馬來西亞拉茶，我建議大家嗌熱嘅嚟飲，佢嘅茶味真係好濃郁當中亦都有明顯嘅奶味，算係條配得啱啱好！而我朋友就叫咗檸檬薏米水，個人認為薏米嘅份量好多，檸檬味比我嘅感覺都好清新！