尚八日式燒肉店 (已結業)

今日牙痕想食燒肉，對上一次已經係半年前，就去返對上一次果間荃灣楊屋道果間尚八燒肉放題開餐！去到發現餐牌唔同左，好在店員都解釋得清楚，之後快快趣落單醫下個胃先！飲品照舊都係幾多選擇冇乜變過，開頭先有個頭盤，叫做比你試下，當然唔夠喉，咁我同朋友都每樣都叫啲試下，岀餐速度算快，呢度除左肉類唔錯之外，炸物都好好食，經過個幾鐘頭搏殺，最後食返個雪糕咁就非常完美！而家仲要二人同行一人有半價，我地四個人去食相等於四個人收三個人價錢，即係話埋單差唔多原價八折咁制，超抵！但冇問個優惠幾時做完，計劃緊農暦新年前再同朋友去狂食過！！