第一郡

營業中

休息中

本身諗住放工後係上堂之前，簡單食一餐，揀左一間樓上舖食越南野。餐廳裝修受設計未至於令人好讚嘆，但食物方法就讓我留下了深刻既印象! 見到好多人點左炸豬肉法包，就跟風叫一份試試，點知就成為最有驚喜既食物。脆脆嘅外皮裏面係香噴噴嘅炸豬肉，連法面本身都係熱既，加埋酸瓜同埋蔬菜，特製醬汁，每一口都係美味到爆。唔單止炸豬肉法包，佢哋嘅米紙蝦卷都幾驚艷。清新可口，鮮甜嘅蝦肉配埋蔬菜同香草，包喺薄如蟬翼嘅米紙入面，係一道絕妙嘅開胃菜。到左主食，佢哋嘅豬肉丸湯河亦都算係招牌之一。湯河Q彈爽滑，份量十足，配上豐富嘅豬肉丸，暖胃又飽足。最後飲品方面，佢哋嘅椰皇同菠蘿沙冰清涼解渴，甜而唔膩。 意猶未盡，見有 榴槤糕可以點，於是試一試，內裡有加入榴槤蓉，絕對係加分位，完美咁結尾整餐。