嘉樂冰廳 (新村街)

營業中

休息中

天氣太熱，走到不想走，只想找個有冷氣的地方坐一坐。而嘉樂冰廳就救了一命，哈哈。在大熱天時的氣溫下，瞬即走入去坐一坐，叫點小食，來個下午茶，休閑時間就是如此渡過。炸鴛鴦雲吞10粒 $40有5粒是酥炸鮮蝦雲吞，另外5粒是酥炸菜肉雲吞。兩款都炸到酥香脆口，外皮一咬即破，咔嚓咔嚓的酥脆咀嚼聲音隨即聽到。餡料豐富，材料足。略沾甜酸辣醬，更開胃。豉油皇雞翼四隻$29 滷色光澤飽滿，雞翼嫩肉入味，鹹甜交錯，兒時風味感即湧現。脆爆華田西多士(半份) $24賣相吸引。西多士就食得多，但西多士加爆脆阿華田脆脆，就第一次食，感覺新穎。原來都好夾，阿華田𢫕必食。西多士炸到金黄色，蛋香加牛油煉奶的組合，本來已經好食，但原來再沾爆脆阿華田脆脆，有另一種特色，口感層次更豐富。阿華田脆脆$28 阿華田控必飲！濃郁好飲！上面更佈滿阿華田脆脆，一邊飲一邊有爆脆脆口感。鮮蛋奶昔$30 像雪糕似的飲料！頗大杯，清涼解渴，夏天必飲！奶香中帶有微微蛋香味，凍冰冰的奶昔，實似雪糕刨冰，哈哈。蓮子冰$26 蓮子多，已經去芯，軟甜香棉，甜度適中，多吃蓮子，健康有益。