Orange Elephant Thai Restaurant (和富) (已結業)

橙象每日會有$1指定菜式優惠，非常抵食。我地order 左星期四 $1 飛天通菜，炒得夠鑊氣，味道少少辣辣地夠晒惹味。咖喱海鮮脆包盅🍞$148賣相相當唔錯，一上枱已經流晒口水。麵包烘得外脆內軟，我地將整個麵包剪成一件件，點上咖喱食，鬆脆可口。黃咖喱偏甜微辣，帶點椰香，配上鮮蝦，魷魚，青口等足料海鮮，滋味無窮。焗大頭蝦粉絲煲🦐$159上枱嘅時候熱辣辣，粉絲份量好多。大頭蝦有兩大隻仲開埋邊，4個人食都夠。粉絲吸盡大蝦和薑蔥的味道，口感煙韌彈牙。特選椰青$42鮮甜解渴，椰肉爽滑！椰汁珍多冰$28特別喜歡綠色的啫喱條，爽爽的同椰汁一起啜入口，充滿泰式風味。