泰潮 (嘉咸街) (已結業)

朋友在中環番工，有晚約左佢食晚飯！佢就提議去間在中環既平民米芝蓮食泰菜！最大主因係因為6pm後全單7折優惠，真係非常抵食而且本身價錢都唔貴！！我們叫左晚市2人套餐，冬陰公湯真係幾正宗，唔會太辣，而且幾足料！肉丸，菇，蝦！最重要係個香茅味非常出色~夠哂熱辣辣好好飲。海南雞(例牌) 都好有份量，雞肉鮮嫩肥美，肉質唔乾夠嫩滑，再加上醬汁食更為出色。豬頸肉咖哩個汁醬都夠哂香濃，咖哩伴飯真係無得輸啦。估唔到個甜品都幾有水準，香滑既椰青甜點，唔會過甜！真係幾好食。