The Balcony (已結業)

最近放工約左朋友，諗住近近地就係中環食埋飯，上網搵左呢間睇上去唔錯嘅西餐諗住試下，點知都幾令人驚喜。餐廳唔算大，但坐得幾舒服，非常適合同朋友傾計慢慢食。我地分別中左個2人套餐，內容都非常豐富，有湯，有沙律，有前菜又有甜品，相當抵食。首先就黎左個鴨胸沙律，上面加滿左黑醋，味道都唔錯。前菜我就揀左個法式焗田螺，味道都唔錯，我最鍾意下面層薯蓉，非常好食。龍蝦湯味道非常濃郁鮮美，鍾意龍蝦嘅朋友唔好錯過喇。我地主菜就揀左個肉眼排，叫左medium rare, 食落唔會太難咬，非常有牛味。最後就有少少生果同雪糕做飯後甜品。