和牛燒肉一郎 (新都城中心二期) (已結業)

朋友住喺將軍澳，久唔久都會去佢屋企玩，夜晚就會去佢樓下大型商場逛街、食吓嘢，而且咁啱最近天氣凍，所以搵個燒肉食吓！今次仲發現有個新menu推出，和牛放題套餐100分鐘任食。餐廳以輸送帶形式送餐，即點即到快捷衛生，自助吧可自選～各式蔬菜沙律、海帶湯、秘製和牛肉醬伴飯、各式汽水冷熱飲品及甜品。肉類有特選US牛、名物、豚肉、雞肉、海鮮、野菜涼拌小食，飯、湯、麵。海鮮類有帆立貝、海蝦、魷魚筒⋯其中黑松露帆立貝特別出色。