Nice Sushi + Thai Buffet (已結業)

今晚去左新開既buffet食野...唔太難搵,環境唔錯,靜靜地,岩晒一班人聚會下..第一時間去左沙律巴,都幾多款,有泰式鳳爪,好好味.不過要小心,可能有d 骨未去乾淨會整到隻牙!但無影響我食野既興致.再食柚子沙律,呢個必食,個人覺得好出色,因為出邊食到既柚子沙律好多時都帶苦澀味,但呢度既就唔會,好清新!海南雞都好嫩滑,再入味少少就perfect!sushi細細件,魚生切得好厚,正,好新鮮!蝦天婦羅既粉厚,但蝦都幾大隻,so ok la,勝在夠熱!青口同扇貝朋友試左,佢話好味!冬蔭公好多料,唔太辣,好開胃!叫左碗白飯,撈埋d 咖哩汁,好正呀..d蟹有肉食架,絕無欺場..佢d 甜品做到好精緻,岩岩好一口一件,可以試晒咁多款,最鐘意椰汁西米糕,好香.加多個豆腐味既雪糕,飽晒...haha~仲有好多味道選擇,芝麻,紅豆,vanila..可惜太飽食唔落最值得讚既係refill得好快,唔使好似行慢d都驚無得食咁,總之只要你食得落就唔會無野食...服務都唔錯,收碟快,加水好密.好抵食!!!!